Psykisk helseteam for barn, unge og familiar (PHBUF) er eit lågterskel psykisk helsetilbod som er ope for alle barn og unge i kommunen og familiane deira. Tilbodet vi gir kjem i tillegg til andre helse og omsorgstenester slik som helsestasjon, skulehelsetenesta og fastlegeordninga.

Vi er tverrfagleg samansette av kognitiv terapeut, familieterapeut og psykolog i tre 100% stillingar. 

Åpningstid for avtalte fysiske samtalar:  måndag til fredag mellom kl 08.00-15.30.

• Tilbodet er gratis
• Du treng ikkje tilvising
• Vi har teieplikt

Vi tilbyr kartlegging og oppfølging i samarbeid med barnet, ungdommen og familien med mål om å gi tidleg støtte og hjelp slik at den eller dei det gjeld får ein best mogleg kvardag.

Tilbodet omfattar inntil 10 timar oppfølging som er tilpassa behova til den enkelte. Innhaldet i oppfølginga kan vere:

Individuelle samtalar med barn og ungdom

Vi tilbyr samtalar til barn og ungdom som opplever:

• Engstelegheit, nedstemtheit eller andre kjenslemessige utfordringar
• Behov for støtte og oppfølging etter belastande livshending
• Utfordringar knytte til byrjande rusmiddelbruk
• Andre lette til moderate psykiske plager

Samtalane skal vere ein trygg arena der barnet eller ungdommen får støtte til å møte og meistre utfordringar i kvardagen.

Foreldrerettleiing

Foreldre kan få støtte og rettleiing knytt til familielivet, foreldrerolla eller utfordringar som gjeld barnet eller ungdommen. 

Familiesamtalar

Vi legg til rette for ein trygg og respektfull dialog der målet er å styrkje forståinga, finne gode ressursar innad i familien og saman finne gode vegar vidare.

Samarbeid og rettleiing

Vi samarbeider med andre tenester rundt barnet og familien ved behov. Dette kan mellom anna omfatte:

• Deltaking i inkluderingsteam
• Samarbeid med barnehage, skule og andre relevante tenester etter samtykke
• Rettleiing og fagleg støtte til personell og tenester som arbeider med målgruppa

Kurs og gruppetilbod

•   Tuning in to Teens  
•   Trygghetssirkelen 

Det er lett å komme i kontakt ved bruk av digitalt kontaktskjema. Du treng ikkje tilvising frå lege eller andre. 

Viktig: Det digitale kontaktskjemaet skal signerast med BankID. Alle som skal signere, må fullføre signeringa for at vi skal kunne motta og behandle skjemaet. 

Er du forelder eller ungdom (over 16 år), kan du ta kontakt med oss ved å fylle ut eit digitalt kontaktskjema. Du vil få den første fysiske avtalen innan 2–3 veker etter at førespurnaden er motteken. Er du usikker på om vi  er rett for deg, kan du gjerne nytte telefontida til spørsmål eller rettleiing. Er du forelder og uroa for barn/ungdom, tilrår vi deg å bruke BTI-modellen.

Er du lærar, helsesjukepleiar, tilsett i barnehage eller i ei anna teneste som ønskjer å melde inn behov på vegne av familien, tek du først kontakt med oss i telefontida før du sender ein skriftleg førespurnad med digitalt kontaktskjema. Er du uroa for barn eller ungdom, tilrår vi deg å bruke BTI-modellen.

Informasjon om telefontid: 

Du kan nå ein i teamet måndag til torsdag mellom kl. 12.00 og 13.00. I dette tidsrommet er vi tilgjengelege for foreldre, ungdom og samarbeidande tenester for drøfting, rettleiing og vurdering av kva som kan vere rett hjelpeinstans for barnet eller ungdommen. Du kan kontakte oss på telefonnummer 907 10 960.

Ved behov for akutt hjelp, ring 116 117. Ved livstruande situasjonar, ring 113.

Kontaktskjema for psykisk helseteam barn, unge og familiar

Har du vore i kontakt med oss? 

Vi i Psykisk helseteam ønskjer tilbakemelding og har to anonyme brukarundersøkingar som tek nokre minutt å svara på.  

Takk for at du deltek! 

Første kontakt med tenesta PHBUF

Vi har teke i mot tilbodet og kontakten med PHBUF er no avslutta

Det kan vera andre tenester i kommunen som er meir aktuelle for deg, sjå derfor tiltaksoversikta eller ring oss i telefontida om du er usikker om Psykisk helseteam for barn, unge og familiar er rett for deg.                                                                                                                                                                                  

Her finner du tiltaksoversikten til Giske kommune 

Viss du har mistanke om lærevanskar eller anna strev i barnehage/skule bør ein visa barnet/ungdommen til Pedagogisk Psykologisk Tjeneste (PPT).

Er du over 18 år kan du ta kontakt med Psykisk helse og rustenesta for tilbod. 

Gratis og anonyme teneste: 

• Si det med ord  
• Hjelpetelefonen mental helse 
• Helsenorge 
• Alarmtelefonen for barn og unge 
• UngSamtale

Nyttig ressurser for foreldre og alle som jobber med barn og unge: 

• Barn og unges helseteneste 
• Å møte barns følelser
• Foreldrekvardag Bufdir 
• Mestringskurs for ungdom mellom 12-18 år som sliter med angst
• Følelseskopasset 
• Livet&sånn
• Folkom
• Littsint
• Voksne for barn 
• Stressmestringsverktøy ungdom 
• Stressmestringsverktøy, alder 6- 12 år