Har du det vanskeleg heime, på skulen eller i fritida, eller veit om nokon som ikkje har det bra, er det viktig at du seier ifrå. Å seie ifrå kan være med på å gjere ein vanskeleg situasjon betre.
Nokon du kjenner deg trygg på?
Er det ein person du kjenner deg trygg på? Som du syntes det er lett å snakke med? Ein venn, nokon i familien, ein nabo, ein lærar eller kanskje ein fotballtrenar? Det er mange du kan snakke med, som vil lytte og hjelpe deg.
Det viktigaste er at du delar det som er vanskeleg med nokon.
Dersom du syntes det er vanskeleg å kome på nokon, eller du ønskjer å snakke med andre, kan du ta kontakt med ein av dei som står oppført under her.
Helsesjukepleiar
Skulehelsetenesta
Det er helsesjukepleiar til stades på alle skulane i Giske. Helsesjukepleiarane har normalt kontakttid mellom 08.30-15.00. Meir informasjon om dette finn du her: Skulehelsetenesta
Her finn du informasjon om Helsestasjon for ungdom.
Læraren din
Du kan snakke om det som er vanskeleg med læraren din, eller nokon annan du stolar på på skulen.
Fastlege
Alle som bur i Noreg har rett på ein fastlege. Dersom du har behov for nokon å snakke med kan du ta kontakt med legekontoret ditt og be om ein time med fastlegen.
Fastlegen er ansvarleg for å følge opp pasientane sine i opningstida til legekontoret. Ved akutt oppstått skade eller sjukdom utanom fastlegen si opningstid må du kontakte legevakta (116 117). Dersom det står om liv, ring 113.
Barnevern
Hovudoppgåva til barnevernet er å gi barn, unge og familiar hjelp og støtte i vanskelege situasjonar. Det er foreldrene som har ansvar for å gi barna sine omsorg. Dersom foreldra ikkje strekk til, kan barnevernet bidra til å sikre barn og unge omsorg, tryggleik og moglegheit til utvikling.
Giske barnevernteneste er med i det interkommunale samarbeidet kring døgnåpen barnevernvakt. Hovudoppgåva til vakta er å hjelpe barn og familiar i akutt krise. Barnevernvakta skal i hovudsak gi råd og rettleiing på telefon. Ved akutt krise kan barnevernvakta vurdere å rykke ut for å bistå meir aktivt i situasjonar.
Telefon barnevernvakta: 91 57 60 20
Politi
Har du eller nokon du kjenner blitt utsett for noko ulovleg? Eller er du kanskje usikker på om det du har vorte utsett for er ulovleg eller ikkje? Da kan du ta kontakt med politiet der du bur. Klikk her for å lese meir om kva politiet kan hjelpe deg med.
Giske kommune høyrer til Ålesund politistasjon. Besøksadressen er:
Nedre Strandgate 50, 6005 Ålesund
Telefon: 70 11 87 00
E-post: post.moreogromsdal@politiet.no
Dersom du har akutt behov for kontakt med politet, ring 112.
Hjelpetelefonar, chattetenester og nettstader
Hjelpetelefonar og chattetenester
Dine rettar
Barnekonvensjonen er ein internasjonal avtale som gir born og unge eit særskilt menneskerettsvern. Barnekonvensjonen er også kalla borna si eiga grunnlov. Noreg har skrive under barnekonvensjonen og gjort den til norsk lov. Barnekonvensjonen gir born eigne rettar, til dømes rett til skule, helsehjelp, leik og fritid. Ein viktig rett er at barn skal verte høyrde i saker som gjeld dei.
Barnelova (lov om born og foreldre) regulerer mellom anna foreldra sine plikter og ansvar, og borna sine rettar. Les meir om barnelova på ung.no.
Har du det vanskeleg heime?
Sist endra 04.05.2025 20.43