1. Bakgrunn og formål, lokalisering
Planarbeidet har som formål å avklare eigedomsforholda i dagens etablerte småbåthamn. Småbåtforeininga har ein festeavtale som er utgått. Formålsgrenser skal avklarast, og mesteparten av næringsareala skal omdisponerast til naustformål. Kommunen er eigar og skal disponere desse for sal. Det skal elles leggast til rette for servicefunksjonar knytt til hamna.
Planområdet ligg på sørvestsida av Godøya, i Geilevika. Sjå kartutsnitt til venstre.

2. Plansituasjon og forslag til avgresning
Området er regulert og omfatta av Reguleringsplan for Geilevika, vedteke 03.02.1998 (planID: 1998002). Ny reguleringsplan vil delvis erstatte denne.

Gjeldande reguleringsplan

Utsnitt gjeldande arealdel til kommuneplanen.

I kommuneplanens arealdel , av 2015, er det gjort endringar i formåla, m.a. er trafikkareal i nord endra til naustformål, og arronderinga av næringsområde mot sør endra.

3. Oppstartsmøte med kommunen - hovudmoment
Det er gjennomført oppstartsmøte med kommunen 22.04.25.

• Gjeldande krav til naustbygg i kommuneplanens arealdel skal leggast til grunn.
• Parkeringsbehovet må vurderast både i forhold til dagens behov, og som følgje av planforslaget.
• Dagens tilkomstveg må vurderast m.o.t breidde. Den er ikkje bygd i samsvar med gjeldande reguleringsplan.
• Planomtalen må gjere ei vurdering av gangvegar og kollektivøysing.
• Risiko og sårbarheit må avklarast, særleg når det gjeld grunnforhold / kvikkleire.

Planforslaget vil basere seg på dagens etablerte og regulerte hovudtilkomstveg, og utfylt areal (ingen ny sjøfylling).
 

Forslag til plangrense

4. Framdriftsplan og prosess vidare
Berørte partar har rett til å kome med innspel og merknader til oppstartsvarselet. Etter høyringsfristen er ute vil innspel og merknader bli vurdert , og tatt med i det vidare planarbeidet. Ferdigstilt planforslag skal behandlast av politisk utval i kommunen, og deretter leggast ut til offentleg ettersyn og høyring i 6 veker.
Partar har rett å uttale seg også ved offentleg ettersyn. Det er kommunen som varslar partar direkte og skriftleg om uttalefrist til sjølve planforslaget. Offentleg ettersyn blir også kunngjort i aviser og på kommunens nettside.

5. Frist for innspel og merknader
Ev. merknader og innspel til varselet skal vere skriftlege, innan 25. august 2025. Det kan sendast;

• Via svarfunksjon i Altinn i samband med digital planvarsel gjennom byggesøknaden no.
• pr. e-post til hh@nordplan.no
• brev til Nordplan AS avd. Ålesund v/Heidi Hansen, Notenesgt. 14, 6002 Ålesund.

Spørsmål kan også rettast til prosjektansvarleg Heidi Hansen i Nordplan AS på tlf. 928 57 809.

Vedlegg:

Referat frå oppstartsmøte: 1_Referat frå oppstartsmøte_14.05.25.pdf (PDF, 2 MB)

Planinitiativ: 2_Planinitiativ, Godøy Småbåthamn, datert 14.02.25.pdf (PDF, 932 kB)

Planavgrensing: 3_250057_r_plot_plangrense_25.05.25.pdf (PDF, 173 kB)

Vedtak om oppstart: Oppstart detaljregulering Godøy småbåthamn.pdf (PDF, 139 kB)