Denne hausten skal nye engasjerte og unge rekrutterast til Giske ungdomsråd.
Etter fleire år nedetid for rådet, er vi endeleg klare for å reetablere det lovpålagde ungdomsorganet! Koordinator for rådet, politisk sekretær Ingvild Nautvik, er allereie i gong med rekrutteringsarbeidet og gler seg til å starte ilag med engasjerte ungdomar! Det er viktig at ungdomar får vere med å bestemme i saker som gjeld dei sjølve.
 
Kommunen ønskjer ei brei rekruttering, med medlemar både frå barneskulane, ungdomskulen, frå fritidsorganisasjonar og frå dei eldste tenåringane i alderen 16-19 år.

 Oppmodar til å søkje:

Ungdomar i alderen 12-19 år kan no sende inn søknad om å få vere med i rådet.
Har du lyst å meine noko om korleis ungdom skal ha det i kommunen, i kva fritidstilbod som fins, om kollektivtrafikktilboda eller andre saker, er ungdomsrådet noko for deg!
 

Send søknad til din rektor, eller til post@giske.kommune.no dersom du ikkje går på skule i Giske. Bruk dette søknadskjemaet (DOCX, 18 kB).
Søknadsfrist 20.oktober.