Vigra omsorgssenter

Vigra omsorgssenter ligg omtrent midt på Vigra, rett i nærleiken av Vigra kyrkje. Omsorgssenteret har  spesialisert seg på tenester retta mot menneske med ulike demenslidingar. Etter planen skal det verte til saman 4 avdelingar, samt eit dagsenter her. Hukommelsesteamet i Giske kommune held og til i desse lokala.

Avd.Skogly: 8 institusjonplassar for demente og er i dag det einaste sjukeheimtilbodet i vår kommune. Avdelinga er heildøgnsbemanna med helsepersonell, romma er store og har eigne bad.

Avd.Fjellro: Bukollektiv for demente med 8 plassar. Bukollektivet er heildøgnsbemanna med helsepersonell. Avdelinga flytta våren 2013 inn i nyrenoverte lokaler i tidlegare Vigra sjukeheim.

Avd.Nordstova: Bukollektiv for demente med 5 plassar med heildøgnsbemanning. Avdelinga opna i september 2013 i nyrenoverte lokaler i tidlegare Vigra sjukeheim.

Godøy og Alnes bukollektiv

På Godøya ligg Godøy og Alnes bukollektiv der ein har 12 plassar med heildøgnsbemanning. I kjellaren på bukollektivet ligg 2 omsorgsbustadar som er knytta til heimebasert omsorg. I nærleiken av bukollektivet ligg 8 frittliggande omsorgsbustader. I tillegg til dette ligg det 5 frittliggande bustader på øya Giske.

Heimebasert omsorg 

Heimesjukepleien i kommuna er samlokalisert med kontor i Giske omsorgssenter på Valderøya. Ansvaret for heimesjukepleien ligg til Valderøy omsorgsdistrikt. Heimetenesta har tiltak retta inn mot dei som treng hjelp for å kunne bu i eigen heim, så lenge som det er ønske om det. 

Reset bufellesskap

Reset bufellesskap er eit heildøgns butilbud for personar med utviklingshemming. Det inneheld 5 bueininger, fellesrom og personalrom. Tilbudet opnar og for dag-/kveldstilbod.

I nærleiken av Vigra omsorgssenter og Reset bufellesskap ligg og 7 frittliggande omsorgsbustader, der kommuna har tildeligsrett.