Midt i matfatet og den maritime klynga på Sunnmøre ligg Gjøsund hamn. - Her har vi lang tradisjon for å samarbeide om verdiskaping og nyskaping. Denne tradisjonen brukar vi no til å utvikle framtidas smarte hamnemodell for fiskeri og anna næringsliv, seier kommunedirektør Karl André Birkhol i Giske kommune.

Det er tidlegare inngått opsjonssavtale med LogInGroup om fryseri og MHService er vald som bunkringsaktør. Dei kan bli til realitet når ny fiskerikai er på plass. Før kaibygginga kan byrje i 2026 må to område av sjøfronten bli fylt ut. 

 Busengdal har i dag signert kontrakt med Giske kommune for å fylle ut dei to områda i Gjøsund hamn, og arbeidet blir sett i gang slik at første delen av kaia opnar neste år.

 - Vi er glade for at ein regional entreprenør blir med på dette viktige infrastrukturarbeidet for å realisere Gjøsund hamn, slik at vi får styrka den regionale verdiskapinga og infrastrukturen, avsluttar kommunedirektøren.