• Vi går spennande tider i møte med bygging, utvikling og drift av hamneinfrastruktur i kommunen, særskild på Gjøsund. Der kjem snart nye kaier, nytt fryseri og bunkringsanlegg på plass. Vurderingane vi gjorde om å melde oss ut av ÅRH (Ålesundregionens hamnevesen) og å flyte på eigen kjøl i framtida er basert på fiskerinæringa sitt tydelege ynskje om og kommunen sitt behov for å utvikle hamnene i Giske på lokale premiss, seier styreleiar Langvatn. 

Det første møtet var i lokala til Nordic Wildfish på Valderøya der fleire av reiarlaga har fått felles kontorlokalitetar. Dagleg leiar hos Nordic Wildfish, Anders Bjørnerem hadde ei kort orientering om betydninga av samarbeid på tvers og forventningar til framtida i Giske som fiskerikommune. 

Giske hamnevesen er eit kommunalt foretak. Foretaket skal sikre effektiv, sikker og miljøvennleg drift av hamn og bruk av farvann samstundes som det skal takast omsyn til eit konkurransedyktig næringsliv i samsvar med hamne og farvannslova. 

Giske hamnevesen skal ha ansvar for alle hamnene i Giske og få sin eigen profil og nettside med all nødvendig informasjon om hamna. Om kort tid vil det bli lyst ut stilling som dagleg leiar som vil vere på plass i 2026. Inntil organisasjonen og alle regulativ er på klare så vil ÅRH drifte hamnene første halvdel av 2026.  

• Eg er glad for at vi no har kome enno eit skritt nærare. Giske hamnevesen er ein viktig brikke å få på plass i det vidare arbeidet med hamnene og spesielt Gjøsund hamn. Til sjuande og sist kjem inntektene frå næringsutvikling tilbake til innbyggarane, seier Langvatn. 

Tilstades på det første møte i Giske hamnevesen KF var også to representantar frå Kystverket som presenterte sitt arbeid og kva forventningar og krav som ligg til det enkelte hamnevesen.

Styret er konstituert med desse medlemmane: 

Styreleiar Kenneth Langvatn, nestleiar Marit G. Alnes. Styremedlemmar:  Lina Blindheimsvik Røssevold, Geir Arne Dyb, Olav Sindre Roald, Marit Vik. I tillegg Monika Vartdal Giske (ikkje tilstades).

Dei som var tilstades på første møte. Peil