Giske kommune jobbar etter samhandlingsmodellen BTI, Betre tverrfagleg innsats. 

Giske – BTI – Betre samarbeid for barn og unge i Giske kommune

Tiltaksoversikten gir tilsette og innbyggjarar informasjon om ulike tenester og tiltak i kommunen. 

Barn og unges helsetenester er eit samarbeid mellom kommunene og Helseføretaka i Møre og Romsdal, med mål om å sikre samanhengande tenester for barn og unge. Det er utarbeida 7 samhandlingsforløp som skal fungere som eit kart over ulike tenester, som skal gi innbyggjarar og fagpersonar betre oversikt over ansvarsområder og roller.

Kunnskapombarn.no er eit samarbeid mellom dei fire regionale kunnskapssentera for den psykiske helsa til barn og unge og barnevern (RKBU/RBUP). Her finn du oppdatert og kvalitetssikra kunnskap om den psykiske helsa til barn og unge og utvikling. Målet er å gi deg som jobbar med barn og unge tilgang til ny kunnskap, kompetanseheving og verktøy.

Dips Samspill er Giske kommune sitt digitale samhandlingsverktøy. Dips gir oss ei trygg kommunikasjonsplattform for alle som spelar ei rolle inn mot oppfølginga av barnet eller ungdommen - enten det er foreldre, lærar eller fysioterapeut. Ein kan nytte Dips til kommunikasjon, eller ein kan opprette til dømes individuell plan eller individuell opplæringsplan. Opplæring og rettleiing knytt til verktøyet finn du her: Hjelpesider Dips Samspill

DIPS - Kursportal   https://samspill.dips.no/GiskeKurs/

DIPS - Samspill   DIPS samspill

Livet&Sånn er ein del av Helsedirektoratet sitt program for folkehelsearbeid i kommunane. Møre og Romsdal fylkeskommune vart med i dette programmet i 2019 og har fokus på innanforskap, barn og unge si psykiske helse og rusførebygging. Livet&Sånn starta som prosjekt i 2020 og vert støtta av Møre og Romsdal fylkeskommune gjennom denne ordninga til og med 2026.

Livet&Sånn skal utvikle og implementere universalførebyggande tiltak. Tiltaka gjennomførast mellom anna som opplæring i folkehelse og livsmeistring for barn og unge, foreldre og tilsette i barnehagar og skular.  I tillegg lagar Livet&Sånn mykje støttemateriell for førebyggande arbeid som skal styrke og fremme psykisk helse, førebygge rusmisbruk og forhindre mobbing.

Livet&Sånn er organisatorisk plassert saman med PPT i Pedagogisk fagsenter i Ålesund kommune, og samarbeider også tett med helsestasjonstenesta, barn og familie og andre i kommunen.