Alle prøver som vart tatt i Giske kommune denne veka har vist seg å vere utan funn av bakteriar. Giske kommune har dermed fleire påfølgjande vassprøvar utan funn av bakteriar, og i samråd med kommuneoverlegen vert kokevarselet no oppheva for heile Giske kommune.

Giske kommune nyttar normalt vatn frå eiga kjelde som vert reinsa ved Giske kommunes vassbehandlingsanlegg som ligg på Alnes. Alle prøver frå denne perioden både ved vassverket og rundt om i kommunen har vore utan funn av bakteriar.

Giske kommune har ein avtale med Ålesund kommune på leveranse av reservevatn ved behov. Det er ei avgrensa vasstilførsel frå Ålesund til dagleg. Då det vart meldt om avvik i Ålesund vart tilførselen straks stengd ned og kommunen sette i verk tiltak for å sikre eige vassnett.

Sidan verken rutineprøvane eller oppfølgingsprøvane viste avvik, kan vi slå fast at det ikkje har kome forureina vatn frå Ålesund inn i Giske sitt vassnett.

Det er viktig å merke seg at opphevinga av kokevarselet berre gjeld for Giske kommune. Ålesund kommune må få svar på fleire prøver før dei eventuelt kan friskmelde sitt vassforsyningssystem.