Formålet med denne rettleiaren er å sikre at alle skulane i Giske har felles rutinar ved bekymringsfullt fråvær som skal sikre auka skulenærvær. Vidare er det eit mål med rettleiaren å støtte skulane om at det er viktig å setje inn tiltak så tidleg som mogleg og gjerne også i samarbeid med andre instansar/hjelpetenester i kommunen. Det viktigaste arbeidet blir likevel sett inn i det førebyggande arbeidet og den universelle utforminga som bidreg til at alle elevar opplever eit trygt og godt skulemiljø, der alle er inkluderte og opplever seg sett og verdsette. Rettleiaren er eit ledd i kvalitetsplanen vår med visjonen om at alle elevar skal oppleve at «det var bra eg kom».