• Vis respekt for alle i skulesamfunnet, både gjennom handling og språkbruk. Til dømes er banning ikkje akseptabelt.
• Gjer dei oppgåvene du blir pålagt, og rett deg etter det dei tilsette i skulen ber deg om.
• Møt presis til undervisningstimane, og ha med deg det utstyret du treng.
• Gjer ditt til at det er arbeidsro i timane.
• Ta vare på lærebøker og anna skulemateriell, og stell fint med innbu og bygningar. Hald det fint og ryddig rundt deg både inne og ute.
• Mobiltelefon skal vere skrudd av og plasserast i mobilskapet om morgonen. Apple klokker skal også plasserast i mobilskapet.  
• Skulen sitt IKT-reglement og IPad kontrakt skal følgjast.
• Det er ikkje lov å ta bilete, film eller gjere lydopptak av nokon utan å be om løyve på førehand.
• Snop, brus eller energidrikk er ikkje lov utanom spesielle anledningar avklart med skulen.
• Skateboard, rollerblades eller el. sparkesykkel skal ikkje nyttast innandørs eller inne på skuleområdet.
• Syklane skal parkerast ute på tilvist område.
• Snøball skal berre kastast på tilvist område.
• Rusmiddel, snus og røyk skal ikkje brukast på eller ved skulen, eller ved arrangement som skulen står for.
• Ikkje gå utanfor skuleområdet utan avtale.
• Kniv, våpen eller andre farlege gjenstandar er ikkje lov å ta med på skulen. Dette blir beslaglagt av skulen.

Om elevar bryt ordensreglane, er desse reaksjonane aktuelle:

• Påtale av tilsette på skulen
• Samtale med kontaktlæraren din
• Ved gjentekne brot på ordensreglane kontaktar vi foreldre / føresette enten munnleg og/eller skriftleg.
• Du kan få pålegg om å sitje att på skulen etter skuletid. Føresette vil då få melding om dette.
• Du kan få pålegg om å sitje inne i administrasjonen i friminuttet.
• Ved bråk og uro i gruppa kan du bli bortvist frå resten av timen utan å få undervisning.
• Ved brot på skulen sine ordensreglar for mobiltelefon vert den tatt inn og ikkje levert ut igjen før undervisninga er slutt den dagen. Heimen blir kontakta.
• Dersom mobiltelefon vert nytta til fotografering eller lydopptak utan at det er gitt løyve til det, vert mobiltelefon bli tatt inn. Foreldre blir bedne om å ta kontakt med skulen før telefonen vert levert ut igjen. Dersom det er mistanke om at fotograferinga / lydopptaket er krenkande, skal rektor vurdere om politiet skal kontaktast.
• Brot på skulen sitt ikt-reglement, IPad kontrakt, ulovleg bruk av sosiale medier i undervisningstida kan føre til utestenging av skulen sitt nettverk og inndraging av IPad for ein periode.
• Dersom du øydelegg inventar, utstyr, materiell, skulebøker, evt. Rotar bort dette, kan det blir krav om erstatning. Det kan vere aktuelt å gjere opp for seg ved å utføre reparasjonsarbeid etter skuletid.
• Rusmiddel og tobakk blir beslaglagt og kan utleverast til dei føresette dersom dei ber om det innan ei veke. Deretter blir beslaget destruert. Ulovleg rusmiddel blir overlevert til politiet.
• Våpen eller farlege gjenstandar blir beslaglagt av skulen. Rektor avgjer om saka skal meldast til politiet.
• Ved alvorleg brot på reglane kan du bli bortvist frå skulen inntil tre dagar. Rektor tek denne avgjerda etter å ha rådført seg med lærarane til eleven.

Reglane er basert på Foreskrift om ordensreglement for skulane i Giske kommune  - Fastsett av Giske kommunestyre 30.04.15.

Forskrift om ordensreglement for skulane i Giske kommune - Hovedportal

Godkjent i SU 10.11. 2021