Kva gjer PPT?  

Vårt mandat er forankra i Opplæringslova kapittel 11 og Barnehagelova kapittel 7. Ei viktig prioritering i Giske PPT er å drive førebyggjande arbeid på systemnivå i lag med skular og barnehagar med mål om å betre læringsbetingelsane for barn og unge i kommunen. Primært skjer dette gjennom  tverrfaglege drøftingar i inkluderingsteam, samt rettleiing av tilsette og kursing/workshop i spesifikk læringsforståing, metodar og verktøy.

Vi er upartiske, og i tillegg til rettleiingsarbeid gjer vi vurderingar om kor vidt eit barn har rett til individuell tilrettelagt opplæring (ITO) i skule, eller spesialpedagogisk hjelp i barnehage. Vi gjer også vurderingar knytta opp mot vaksenopplæringa. 

For meir informasjon om PPT sitt mandat. Sjå her PP-tjenesten (PPT) | udir.no

• For vurderingar i vidaregåande opplæring, ta kontakt med Ålesund PPT, avd vidaregåande. 
• PPT er ikkje ei helseteneste. Utgreiing av psykiske lidingar og utviklingsforstyrringar (til dømes ADHD) blir gjort i spesialisthelsetenesta. Ta kontakt med fastlegen for tilvising dit.