Utbetringslån frå Husbanken skal stimulere til fornying av bustader og bumiljø. Utbetringslån skal også leggje til rette for bustadbasert omsorg og tene sosiale og kulturhistoriske omsyn.Lånet kan utgjere inntil 95 % av godkjende kostnader. Utbetringslånet blir gjeve som pantelån med pant innanfor 85 % av takst etter utbetring inklusive eventuelt heftingar.

• Enkeltpersonar
• Burettslag og sameige
• Selskap og stiftingar
• Kommunar

Det kan bli gjeve lån til byfornying og anna bustad- og miljøfornying i tettbygde strok, utbetring av bustader for prioriterte grupper, ENØK-formål og utbetring av bustader med kulturhistorisk og antikvarisk verd.

Kommunen gjennomgår søknaden og tilrår eventuelt søknaden for lån i Husbanken. Det kan i nokre tilfelle bli nødvendig med bustadtilskott frå kommunen for å få budsjettet til å gå opp.

Husbanken er klageinstans. Klaga må sendast innan tre veker etter at du mottok vedtaket. Før opp kva du ønskjer endra i vedtaket og grunngje det, eventuelt med nye opplysningar.

Husbanken går ut frå at lånsøkjaren har økonomisk evne til å greie lånet, og at det kan dokumenterast. Det krevst vanlegvis teikningar av bygget før og etter utbetringa, anbod/pristilbod/prisoverslag frå handverkarar, takst over eigedommen av ny dato (mindre enn 1/2 år) og panteattest.

Søknad med vedlegg må sendast til kommunen før utbetringsarbeida startar.

Heimesida til Husbanken

Saksbehandlingstida i Husbanken er inntil fire veker.