Bestill tid til Korona-test

Det er viktig at du bestiller time før du møter opp til testing.

Finn ut om du bør testast

Vi ber om at alle som vurderer å teste seg tar den sokalla Koronasjekken først. Her svarar du på nokre enkle spørsmål, og basert på svara dine får du ei tilråding på om du bør testast eller ikkje. Helsevesenet er pressa på kapasitet så det er ikkje ønskeleg at vi gjennomfører mange testar som ikkje er tilrådd. Lenke til Koronasjekken finn du på sida der du bestiller test.

Koronatestingen er gratis, men i nokre tilfelle krev utanlandske studiestader, arbeidsgivarar eller andre land framlegg av negativ attest. Slike testar blir ikkje dekte av det offentlege. Ta då kontakt med bedriftshelsetenesta på arbeidsplassen din eller andre private aktører. 

Slik bestiller du koronatest

  • Gå til https://c19.no Følg lenka til Koronasjekk for å sjå om du bør teste deg.
  • Trykk på «Bestill tidspunkt for testing» og logg inn med digital ID, til dømes BankID.
  • Fyll ut skjemaet. Merk at du også kan bestille testing på vegne av andre.
  • Når du har sendt inn skjemaet blir du tildelt første ledige tidspunkt for testing.
  • Du får opp ei kvittering på bestillinga di. Merk deg kvar og når du skal møte opp. Kvitteringa inneheld også andre opplysningar som det er viktig at du leser. I kartet under ser du kvar du skal køyre og vente når du skal testast.
  • Teststasjonen i Giske er lokalisert ved sidan av Frivillighetssentralen på Valderøya. Adressa er: Valderhaug 12, 6050 Valderøya.
  • ​​Giske kommune har no fleire mulegheiter for den som ønskjer å teste seg:  
    Om du ikkje har høve til å bestille test elektronisk, kan du ringe vakttelefon på tlf 482 05 845 mandag -fredag mellom kl.09-11 for å avtale testing. I januar 2021 er testtelefon og teststasjon også open laurdagar kl 09-11.

 

  • Er du alvorleg sjuk og treng øyeblikkeleg hjelp?  Ring legevakt tlf. 116 117
  • Står liv og helse i fare? Ring tlf. 113
Publisert avHelen Gjerde
Publisert12.03.2020 10.03