Giske kommune har søkt og fått tilskot på ein halv million kroner som skal gå til etablering av aktivitet- og besøksvert på Giske omsorgssenter.(GOS)
«Dette var ein kjempekjekk beskjed! Pengane vil bli nytta til å tilsette aktivitet/besøksvert som vil bidra til ulike aktivitet og trivselstiltak for bebuarane, samt ta imot besøkande», seier einingsleiar Tone Marie Giskegjerde ved Giske omsorgssenter på Valderøya.
Tilskotsordninga er iverksett for raskt å legge til rette for meir aktivitet for målgruppa i den pågåande koronasituasjonen. Den er etablert for å oppretthalde aktivitet og sosial kontakt for eldre personar, langtidsbuande ved sjukeheim og i omsorgsbustad med heildøgns bemanning.
Helsedirektoratet har fordelt tilskotsmidlar til aktivitetstilbod og besøksvert i 2021 på litt over ni millionar kroner til Møre og Romsdal.
Publisert 14.06.2021 15.10