Kommunedirektøren i Giske sluttar
Marianne Stokkereit Aasen, kommunedirektør i Giske kommune, kjem til å slutte i jobben frå 1. august.
Kommunedirektør Marianne Stokkereit Aasen
Ho er innstilt som ny kommunedirektør i Molde. Tilsetjing her er seinare i april.
"Eg ser tilbake på ei fin og utfordrande tid i Giske kommune. Det er derfor litt vemodig å forlate både dei mange flinke tilsette og dei andre eg har hatt samarbeid med", seier Stokkereit Aasen.
"Vi i Giske er lei oss for at Stokkereit Aasen no vel å flytte på seg, men vi forstår og at ho no søker seg til nye utfordringar", seier ordførar Harry Valderhaug.
"For Giske kommune er det no viktig at vi kjem raskt i gang med prosessen for rekruttering av ny kommunedirektør. Dette arbeidet vil vi ta fatt på straks", seier han.
Marianne Stokkereit Aasen har vore kommunedirektør frå februar 2019.
Publisert 22.04.2021 13.54