Lokalisering
Planområdet ligg på Oksneset på Valderøya.

Mål med planarbeidet
Målsetjing med planen er å :
• Sikre vegtilkomst
• Vidareføre eksisterande naust for bruk til kulturformidling, og nytt naust på 50 kvm.
• Leggje til rette for rorbu/naust knytt til kulturformidling, reiseliv, fritidsbustadar og/eller kystleihytter
• Leggje til rette for kai/bryggje
• Sikre areal til kyststi og tilkome til strandsona for ålmenta
• Avklare naturfare

Planområdet
Planområdet består av del eigedomen gbnr. 183/21 og heile gbnr. 183/65, og er på om lag 5,2
daa. Avgrensinga av planområdet kan bli endra før planen blir lagt ut til offentleg ettersyn.

Planstatus
Overordna plan
I kommunedelplan sin arealdel for Giske har området formål privat og offentleg tenesteyting,
og LNF (Landbruk, natur og friluftsformål). Kommuneplanen er nyare enn gjeldande
reguleringsplan og vil gjelde før den.

Regulering
Gbnr. 183/65 er regulert til offentleg friområde i reguleringsplan Oksneset, Planid 1977001,
vedteke 29.06.1977. Kommuneplanen sin arealdel gjeld før denne reguleringsplanen. Vest for
planområdet er det regulert til bustadformål i reguleringsplan Oksneset – Valderøya, Planid
20005006, vedteke 14.06.2012.

Dispensasjon/vedtak
Det er ikkje gjeve dispensasjon, men det er gjort vedtak i Teknisk utval 12.12.2024, sak
080/24 om oppstart av planarbeid.

Konsekvensutgreiing
Planar og tiltak skal vurderast etter forskrift om konsekvensutgreiing om dei utløyser krav om konsekvensutgreiing og planprogram.

Jamfør samla vurdering i planinitiativet avsnitt 3, blir det vurdert at planarbeidet for DP
Storvik, gbnr 183/65 mfl. ikkje utløyser krav om konsekvensutgreiing eller planprogram.

Oppstartsmøte med kommunen
Det vart halde oppstartsmøte med kommunen 11.09.2024, med følgjande hovudpunkt:
• Plangrense
• Arealbruk (rorbu, kulturformidling, naust)
• VAO (vatn, avløp, overvatn)
• Strandsone
• Båttrafikk frå hovudleia

Informasjon og medverknad
Det vil bli sendt varsel om oppstart til naboar og gjenbuarar, kunngjering i lokal avis og på nettet, i samsvar med pbl. § 12-8. For nærare informasjon ta kontakt med OSE, mob. 974 89 987 eller e-post plan@oseing.no. Reguleringsarbeidet blir vurdert til å gje små negative ulemper for naboar. Det blir lagt opp til medverknadsmøte i samband med oppstart av
planarbeid den 03.02.2025, kl. 1500 ved naustet på gbnr. 183/65.

Meir informasjon
Møtereferat frå oppstartsmøtet 11.09.2024, varslingsbrev, planinitiativ, vedtak Teknisk utval, og forskjellege kart blir lagt ut på Giske kommune sine heimesider og på OSE sine heimesider under kunngjeringar.

Merknadar til oppstartsmeldinga
Merknadar som har verknad eller interesse for planarbeidet kan sendast:
OSE AS på e-post plan@oseing.no eller OSE AS
Vikeøyrane 7,
6150 Ørsta
Frist for merknadar vert sett til 10.02.2025. Merk fråsegn med P2063.
Alle mottekne dokument og merknadar blir sendt kommunen saman med planframlegget.

Vidare sakshandsaming
Etter at meldingsfrista er ute vil plandokumenta bli utarbeidd for deretter å bli sendt kommunen for sakshandsaming. Etter handsaming i kommunen blir plandokumenta lagt ut til offentleg ettersyn. Det vil då bli høve til å kome med merknadar til planframlegget før vidare politisk handsaming og vedtak.

Med helsing
Bjarte F Friisvold
Arealplanleggar
Mob 974 89 987
bjarte@oseing.no

Sjå oppstartsdokumenter i kommunens planregister: arealplaner.no | 2024002 > Planbehandlinger