Visste du at barn og unge har rett til å vere med og bestemme kva områda i nærmiljøet deira skal brukast til? Dei skal ha høve til å påverke kvar balløkker, leikeområde og sykkelvegar skal liggje og å vite kva areal som er tilgjengelege og i bruk. Visste du at det finst ein person i alle kommunar som skal ta vare på barn og unge sine interesser i alle plansaker? Det er lovfesta at kommunestyret skal peike ut ein tilsett i administrasjonen (tenestemann) som er kjend som ”barnerepresentant” (BR) jf. PBL § 9-1.