Av dei tiltaka som dei fleste Roald-buarane var mest interesserte i å få sett i verk var bl.a. -
- Skilting - mot Roald - oversikt over turområder - bedrifter / tenester du kan få utført etc (15 stemmer)
- Ei sterk sentrumsforening (14 stemmer)
- Ny sentrums- / reguleringsplan for Roald med rettleiar for utforming - utarbeidd av profesjonelle (14 stemmer)
Det var og ønskje om bl.a.
- Idretts- / fleirbrukshall
- Opprydding generelt - og spesielt i hamneområdet og av gammal utstyr og gjenstandar som ikkje er i bruk Sentrumspark
- Fiskerihamna tilrettelagt for rorbuer
- Vedlikehald av gamle bygningar
- i tillegg til ei rekkje andre saker og tiltak - sjå referatet under
Bakgrunnen for arbeidet med "eit levande Roald" er ein bygdeutviklingskonferanse i Åndalsnes som nokre deltok på sist haust. Lokalsamfunnet etablerte ei arbeidsgruppe som utarbeidde forslag til tiltak for Roald og som vart lagt fram på møtet. I tillegg til gruppa sitt arbeid la også Jan Petter Meberg fram ei orientering om arbeidet med ny idrettshall for Vigra IL.
Dei vel 30 frammøtte kom med innspel til både kva som bør utbetrast og kva som er bra på Roald i dag, med påfølgande livlige diskusjonar. Deltakarane lagde også ei lang liste med ønska tiltak som det til slutt vart stemt over. Her viste det seg at mange hadde dei same ønskja.
Tiltakslista vert no arbeidd vidare med av arbeidsgruppa for Roald og skal munne ut i ein samla plan og søknad til overordna myndigheiter om prosjektmidlar.
Referat frå møtet ligg ved.