Filteret vart teke ut av drift søndag morgon og fargen på vatnet vil etter kvart bli redusert, men vil ikkje bli normal før feilen på filteret er utbetra. Alt vatnet har heile tida passert UV-anlegget.
Vassforbruket i kommunen er blitt litt mindre i helga, men er framleis høgt. Drikkevatnet vil bli klora på grunn av det store vassforbruket og at reinseanlegget no har redusert filterkapasitet.
For å unngå at høgtliggjande eigedomar vert utan vatn, oppmodar vi alle om å unngå unødig tapping. Vi oppmodar også om at bygg/bedrifter som ikkje er i bruk vert kontrollerte for eventuelle frostskade på røyropplegg.
Vi vil framleis ha tips om moglege lekkasjar i leidningsnettet. Våte snøfrie områder er indikasjon på lekkasjar. (ring vakttelefon 900 18 425).